Больш Еўропы ў Беларусь
Адносіны Беларусі з ЕС сёння знаходзяцца на ніжэйшым гістарычным пункце. З-за саўдзелу Мінска ў вайне еўрапейскія абмежаванні ў тым ці іншым выглядзе ўсё часцей распаўсюджваюцца на ўсіх уладальнікаў беларускага пашпарта.
Прамыя авіязносіны перарваны, атрымаць шэнгенскую візу стала яшчэ больш складана. Сумесныя праекты спынены, навуковыя і культурныя абмены замарожаны.
Беларускія арганізацыі грамадзянскай супольнасці, якія супрацоўнічалі з еўрапейскімі партнёрамі, ліквідаваны. Актывісты за кратамі, на эміграцыі ці стаіліся. Антыеўрапейская прапаганда ў дзяржаўных СМІ стала мэйнстрымам.
Разам з запрошанымі экспертамі мы абмяркуем:
- Як у такой сітуацыі змяніліся веды і настроі беларусаў адносна Еўропы?
-Што для прасоўвання ў Беларусі еўрапейскіх каштоўнасцяў могуць зрабіць дыяспары, а таксама грамадскія ініцыятывы і СМІ, якія знаходзяцца па-за краінай?
-Якая палітыка і праграмы ЕС маглі б сёння садзейнічаць росту праеўрапейскіх арыентацый у Беларусі?
У сустрэчы прынялі ўдзел:
-Станіслава Гліннік – сузаснавальніца Беларускага моладзевага хаба, сябра Каардынацыйнай рады;
-Генадзь Коршунаў - старшы аналітык Цэнтра новых ідэй, экс-дырэктар Інстытута сацыялогіі НАН Беларусі;
-Аляксандр Мілінкевіч – канцлер Вольнага беларускага ўніверсітэта.
